اسرائیل کیخلاف سب سے زیادہ مظاہرے ایرانی شہروں میں جاری ہیں

حملوں کی شدید مذمت کرتے ہوئے کہا کہ اسرائیلی جرائم کی تحقیقات کے لیئے بین الاقوامی کمیٹی تشکیل دی جائے

ایرانی وزارت خارجہ کے ترجمان نے اقوام متحدہ پر تنقید کرتے ہوئے کہا کہ اقوام متحدہ کا سکوت اسرائیلی حوصلوں کو بڑھانے کا سبب بن رہا ہے

آصفی کا کہنا تھا کہ اسرائیل کیخلاف جنگی جرائم کی عدالت میں مقدمہ دائر کیا جانے چاہیئے

اس سے قبل ایرانی صدر احمدی نژاد نے کہا تھا کہ لبنان پر اسرائیلی حملوں کی پشت پناہی امریکہ اور برطانیہ کر رہے ہیں

نژاد کا کہنا تھا کہ اسرائیل کیخلاف جنگی جرائم کا مقدمہ چلایا جائے اور لبنان کا تمام نقصان اسرائیل ادا کرے

سیاسی و عسکری تجزیہ نگاروں کا کہنا ہے کہ اسرائیل کا لبنان کی شہری آبادی پر ایسی شدید بمباری کرنا جہاں حزب اللہ کو گھٹنے ٹیکنے پر مجبور کرنا ہے وہیں ایران کو بھی یہ اشارہ دینا مقصود ہے کہ ایران اسرائیل کو دنیا کے نقشے سے مٹانے کا خیال چھوڑ دے