رمز فیلڈ پر اس سے قبل بھی دباؤ ڈالا گیا تھا کہ وہ وزارت دفاع کے عہدے سے استعفی دے دیں تاہم صدر بش نے ہر موقع پر ان کا دفاع کیا

صدر بش نے ایک موقع پر رمز فیلڈ کا دفاع کرتے ہوئے کہا کہ وہ اپنے عہدے کی مناسبت سے بہت بہتر کام کررہے ہیں اس لیئے رمز فیلڈ مستعفی نہیں ہونگے

چند دن قبل رمز فیلڈ کے بارے میں امریکہ کے سابق جرنیلوں نے بھی مطالبہ کیا تھا کہ وزیر دفاع کو استعفی دینا چاہیئے

اخباری اطلاعات کے مطابق کچھ عرصہ قبل خود کونڈو لیزا رائس اور رمز فیلڈ میں بول چال تک بند ہوگئی تھی

امریکہ کے مختلف اداروں کے سابق افسران نے رمزفیلڈ کو عراق جنگ کی ناقص حکمت عملی پر شدید تنقید کا نشانہ بنایا تھا

ڈونلڈ رمز فیلڈ عراق جنگ کے شدید حمایتیوں میں سے تھے اور متعدد مرتبہ اچانک اور خفیہ طور پر عراق کے دورے بھی کر چکے تھے

ان کی اچانک تبدیلی کی ابھی تک دیگر کوئی وجوہات نہیں بتائی گئیں

رمز فیلڈ کے بعد وزارت دفاع کے عہدے کےلیئے صدر بش نے سی آئی اے کے سابق سربراہ رابرٹ گیٹس نامزد کیا ہے

وسطی مدت کے انتخابات میں ڈیمو کریٹک پارٹی کی جیت اور صدر بش کے قریبی اور عراق جنگ کے شدید حمایتی رمز فیلڈ کا استعفی صدر بش کی ایک ہی دن میں دو ہاریں کہی جا رہی ہیں