رمز فیلڈ کی طرح جان بولٹن بھی بش کے قریبی ساتھیوں میں سے تھے

ڈیموکریٹک کی سینیٹ میں اکثریت کے پیش نظر سینیٹ میں جان بولٹن کے بارے فیصلہ کیا گیا کہ وہ اقوام متحدہ میں بطور امریکی سفیر مزید کام نہیں کرینگے

جان بولٹن کا عہدہ خطرے میں

رمز فیلڈ کے بعد جان بولٹن امریکی صدر بش کے قریبی ساتھیوں میں سے تھے تاہم ڈیمو کریٹک پارٹی کی حالیہ جیت کے بعد دونوں اہم شخصیات کو اپنے عہدوں سے فارغ ہونا پڑا

جان بولٹن پچھلے برس اقوام متحدہ میں امریکہ کے سفیر تعینات ہوئے تھے

جان بولٹن کے بارے میں کہا جا رہا تھا کہ وہ سخت گیر سفیر ہیں جبکہ انہوں نے حالیہ تنازعہ میں اسرائیل کیخلاف قرادادیں بھی مسترد کردیں تھیں

حالیہ انتخابات میں ڈیمو کریٹک کی جیت کے بعد صدر بش کی جماعت اب اکثریت میں نہیں رہی جس کی وجہ سے صدر بش اب اپنی مرضی کے فیصلے کرنے سے معذور ہیں

جان بولٹن کو صدر بش نے مخالفت کے باوجود اقوام متحدہ کا سفیر نامزد کیا تھا جبکہ رمز فیلڈ کے عہدہ چھوڑنے سے چند ہی روز قبل صدر بش نے کہا تھا کہ رمز فیلڈ عراق کے بارے میں بہترین پالیسی بنانے والے اور ایک محنتی شخص ہیں اور انہیں کسی صورت اس عہدے سے فارغ نہیں کیا جائیگا

تاہم ڈیمو کریٹک کی جیت کے دو دن بعد انہیں عہدہ چھوڑنا پڑا تھا