دہشتگرد امریکیوں کے آلہ کار بنے ہوئے ہیں، خامنہ ای

 ہیں

انہوں نے کہا کہ ایران عراق میں امن و سلامتی برقرار کرنے کے لئے ہر اقدام اٹھانے کے لئے آمادہ ہے اور عراق میں امن و سلامتی بر قرار کرنے میں عراقی حکومت کو تعاون پیش کرنا ایران کا انسانی ، اخلاقی اور دینی فریضہ ہے

آیت اللہ خامنہ ای نے کہا کہ ایران عراق کو آباد ، آزاد اور ترقی و پیشرفت کی شاہراہ پر گامزن دیکھنا چاہتا ہے اور ایرانی شہروں کی طرح عراقی شہروں کو پرامن دیکھنے کا خواہشمند ہے  انہوں نے کہا کہ عراقی حکومت کی درخواست پر ایران عراق کی ہر طرح کی مدد اور تعاون کرنے کے لئے آمادہ ہے

انہوں نے کہا  کہ عراق میں بحران کا مقصد عوامی حکومت کو کمزور بناناہے اور وہ لوگ جو عراق کے لئے منصوبہ لیکر آئے تھے ان کا وہ منصوبہ پایہ تکمیل تک نہیں پہنچ سکا ہے لہذا وہ حالات کو مزيد متزلزل کرنے کی کوشش کررہے ہیں دہشت گرد  گروپ امریکیوں کے آلہ کار بنے ہوئے ہیں

خامنہ ای نے کہا کہ عراق میں بحران اور بد امنی ایجاد کرنے والے افراد شیعہ اورسنی جنگ کے پیچھے خود کو پنہاں کرتے ہیں لیکن حقیقت یہ ہے کہ شیعہ اور سنی ہمیشہ سے ایک دوسرے کے ساتھ رہے ہیں اور رہیں گے اور انکے درمیان کوئی جھگڑا اور خصومت نہیں ہے

انہوں نے کہا کہ عراق میں بد امنی کی اصل وجہ امریکی سیاست ہے جو مختلف طریقوں سے اجرا ہوتی ہے

ان کا کہنا تھا کہ اگر سکیورٹی کا معاملہ  مکمل طور پر عراقی عوام اور حکومت کے حوالے کردیا جائے تو عراق میں بہت جلدامن برقرار ہوجائے گا