پاکستان میں بھی پوپ کے بیان پر شدید ردعمل ظاہر کیا گیا ہے

سرعت کے ساتھ احتجاج کیا ہے

دفتر خارجہ کا کہنا ہے کہ پوپ کے بیان سے مسلمانوں کی دل آزاری ہوئی ہے

ادھر ایک اطلاع کے مطابق ویٹی کن کے سفیر اب بھی اویٹی کن کے اس موقف پر قائم ہیں جس میں ویٹی کن کا کہنا ہے کہ پوپ کے بیان کو درست طرح سے شائع نہیں کیا گیا اور نہ ہی بیان کو سہی طور پر سمجھا گیا ہے

پاکستان لاہور میں پوپ کے بیان کیخلاف مظاہرے کئے گئے ہیں جس میں پوپ سے معافی مانگنے کا مطالبہ کیا گیا ہے

پوپ بیان ۔ سینیٹ اور قومی اسمبلی میں قرارداد مذمت منظور

پوپ بینیڈیکٹ کے پیغمبر اسلام اور جہاد بارے جرمنی میں دئیے گئے بیان کیخلاف پاکستان کی سینیٹ اور قومی اسمبلی میں قرارداد مذمت منظور کی گئی ، قرارداد حکومت اور حزب اختلاف نے متفقہ طور پر منظور کی

سینیٹ میں قرارداد قائد ایوان وسیم سجاد نے پیش کی

انہوں نے کہا کہ سینیٹ ارکان پاکستانی عوام کی نمائندگی کرتے ہوئے پوپ بینیڈیکٹ کے اسلام کیخلاف بیان پر قرارداد مذمت پیش کرتے ہیں

قرارداد کو حکومتی اور حزب اختلاف دونوں جماعتوں کے اراکین نے متفقہ طور پر منظور کرلیا

وسیم سجاد کا کہنا تھا کہ پوپ بینیڈیکٹ کے بیان سے دنیا بھر کے مسلمانوں کی دل آزاری ہوئی ہے

وسیم سجاد نے پوپ کے بیان کو مسلم اور عیسائیت کے درمیان ایک بڑا اختلافی نقصان قرار دیا

ادھر پاکستان کی قومی اسمبلی نے بھی پوپ بینیڈیکٹ کے پیغمبر اسلام اور نظریہ جہاد کے بارے بیان کے کیخلاف قرارداد مذمت منظور کی ہے

قومی اسمبلی میں قرارداد مذمت پیش کرنے والے جمعیت علمائے پاکستان کے صاحبزادہ فضل کریم نے پیش کی

قرارداد میں پوپ بینیڈیکٹ سے مطالبہ کیا کہ وہ پیغمبر اسلام اور نظریہ جہاد کے بارے ادا کیئے گئے الفاظوں کو واپس لیں

ادھر پاکستان میں مختلف سیاسی جماعتوں کے علاوہ دیگر کئی اعلی شخصیات نے پوپ بینیڈیکٹ کے بیان کو تہذیبوں کے درمیان اختلافات ڈالنا قرار دیا ہے

جبکہ متعدد سیاسی و مذہبی شخصیات نےپوپ کے بیان کی شدید مذمت کی