پاکستان کے دوسرے علاقوں کے ساتھ ساتھ پاکستان کے زیر انتظام کشمیر میں آٹھ اکتوبر کو ہونے والے تباہ کن زلزلے کے بعد متاثرین زلزلہ پر ایک نئی آفت آن پڑی ہے۔ہری پور میں خیمہ زن متاثرین کو اچانک واپس مظفر آباد بے دخل کرنا شروع کر دیا ہے

مظفر آباد کے رہائشی سید فقیر حسین شاہ ولد سعید شاہ اورسید نیاز حسین شاہ ولد امتیاز شاہ نے صحافیوں کو ایک تحریری بیان میں کہا ہے کہ سچی بات ہے ،ہری پور میں مقامی لوگوں نے زلزلہ زدگان کے امداد میں بڑھ چڑھ کر حصہ لیا ہے۔بلکہ کسی حد تک انتظامیہ نے بھی متاثرین کی مدد کی ہے

لیکن ان کا کہنا ہے کہ اب اچانک ایک نیا سلسلہ شروع ہوا ہے

انہوں نے بتایا کہ گزشتہ رات ایلیمیٹری کالج گراؤنڈ میں خیمہ زن متاثرین زلزلہ کو یہ کہ کر واپس بھیجنا شروع کر دیا ہے کہ اب وہاں مظفر اباد میں آپ لوگوں کے لئے مکمل انتظام کیا گیا ہے

ان افراد کا کہنا تھا کہ یہاں خیمہ بستی میں رہنے والوں کو بھیجنے کے لئے پولیس کی مدد حاصل کی گئی ہے

انہوں نے بتایا کہ پولیس کے زور پر متاثرین کو واپس بھیجنا سراسر متاثرین کے زخموں پر نمک پاشی کے مترادف ہے

ستم ظریفی یہ ہے کہ یہاں پر موجود پولیس اہلکار اور ڈاکٹر حضرات تصاویر اتارنے نہین دیتے

یہاں تک  کہ واپس بھیجنے والے متاثرین کو کچھ نہیں دیا جاتا بلکہ خالی ہاتھ ہی انہیں واپس کرنے پر مجبور کرتے ہیں۔

دوست کو ارسال کریں

صفحہ اول

صفحہ اول