اطلاعات کے مطابق نیٹو نے امدادی پروگرام اور اس کی سرگرمیاں اپنے ہاتھ میں رکھی ہوئی ہیں جبکہ وزیر خارجہ خور شید محمود قصوری نے دعوی کیا تھا کہ نیٹو پاکستانی فوج کی کمان میں کام کرینگی

نیٹو ممالک نے پاکستان کو ایک ہزار فوجی امدادی سرگرمیوں کےلیئے دیئے ہیں جو مختلف ممالک سے امدادی سامان لائے ہیں

نیٹو کی افواج ہیلی کاپٹر کے ذریعے زخمیوں کو متاثرہ اور دوردراز مقامات سے بھی لا رہی ہے جبکہ اس وقت درجنوں ہیلی کاپٹر زخمیوں کو لانے میں مصروف ہیں

نیٹو ممالک نے پاکستان کو زلزلے کی تباہی میں ہونے والے جانی و مالی نقصان کی مدد میں کوئی قابل ذکر مالی امداد نہیں دی تاہم زخمیوں کو لانے کےلیئے ہیلی کاپٹر اور امداد کی مد میں اشیائے خوردونوش اور کمبل وغیرہ دیئے ہیں

مشرف حکومت کےلیئے زلزلے کے بعد یہ دوسرا شدید دھچکہ ہے جس میں صدر مشرف کے اتحادی ملکوں نے انہیں قابل ذکر مالی امداد سے محروم رکھا ہے جبکہ کئی لاکھ افراد کے سردی سے ہلاک ہونے کے خدشات بڑھ گئے ہیں جبکہ بالا کوٹ میں کئی افراد سردی کی لپیٹ میں آکر ہلاک بھی ہوچکے ہیں

پچیس دن گزرنے کے باوجود پاکستان کے سینکڑوں علاقے تاحال امدادی سرگرمیوں سے محروم ہیں

ادھر حکومت اپنی اس پالیسی پر قائم ہے جس کے تحت مخالف سیاسی جماعتوں کے امدادی بینرز اور کمیپوں کو ختم کیا جا رہا ہے جس سے امدادی سرگرمیاں مزید کم ہو گئی ہیں

دوست کو ارسال کریں

صفحہ اول

صفحہ اول