خواتین کے بارے اسمبلی میں ریمارک پر خواتین کا احتجاج

اورصرف اچھی جگہ پر شادی کے لئے یہ کورس کرتی ہیں۔ جس پر ڈاکٹر فرزانہ نذیراٹھ کھڑی ہوئیں،انہوں نے سپیکر سے پوائنٹ آف آرڈر پر بولنے کی اجازت مانگی مگر انہیں اجازت نہ ملی شاہینہ اسد اور لبنیٰ طارق بھی اٹھ کھڑی ہوئیں،اسی دوران شیخ علائوالدین کا مائیک بند کر دیا گیاجس پر وہ سیخ پا ہوگئے

انہوں نے کہا میں خواتین کے کام کرنے یا آگے آنے کے خلاف نہیں ہوں،دوسری طرف خواتین بھی مسلسل بولتی رہیں۔ڈاکٹر فرزانہ نذیر نے پوائنٹ آف آرڈر پر کہا کہ لڑکے اتنے نکمے کیوں ہیں، پوسٹ گریجویٹ کے رزلٹ میں لڑکوں کے آگے فیل جبکہ لڑکیوں کے آگے پاس لکھا ہوا ہے

شیخ علائوالدین نے غصے میں کہا کہ لڑکے نکمے بھی انہیں لڑکےوں کی وجہ سے ہوتے ہیں۔اس موقعہ پر ڈاکٹر فرزانہ نذیر کا مائیک بند کر دیا گیا۔ وزیر جیل خانہ جات نے کہا کہ شےخ علائوالدےن چاہتے ہیں کہ لڑکیوں کو پابند کیا جائے کہ ایم بی بی ایس کے بعد پانچ یا دس سال پریکٹس کریں گی

احسان اللہ وقاص نے کہا کہ شیخ صاحب آپ کے کہنے کا کیا مطلب ہے کہ اگر میری محترم بہن ڈاکٹر فرزانہنذےر ڈاکٹر نہ ہوتی تو ان کی شادی نہ ہوتی، نہیں ایسا ہرگز نہیں ہے یہ اگر ڈاکٹر نہ بھی ہوتیں تو ان کی شادی ہو جاتی۔جس پر ایوان میں موجود اراکین ہنسنے لگے

ڈاکٹر اسد اشرف نے کہا کہ میڈیکل کالجوں میں 65 فیصد لڑکیاں ہیں۔لیکن لیڈی ڈاکٹرز دیہات میں تو دور کی بات شہروں میں بھی ناپید ہیں، لڑکیوں سے کام کرنے کا بانڈ بھروایا جائے۔پینل آف چیئرمین کے رکن رائے اعجاز نے راجہ بشارت سے کہا کہ کیا اس ضمن میں کوئی قانون بنانے میں کےا کوئی مسئلہ ہے، راجہ بشارت نے جواب دیا کہ یہ متعلقہ ڈیپارٹمنٹ کا کام ہے

دریں اثناحکومتی رکن اسمبلی عبدالحیمد دستی نے مسلم لیگ ق پنجاب کی جنرل سیکرٹری بننے پر ظل ہما کو مبارک باد پیش کی