عورتوں کے حقوق کے تحفظ میں مشکلات پیش آسکتی ہیں لیکن میں گھبرانے والا نہیں، مشرف

ایم ایم اے استعفے دینے میں سنجیدہ ہے تو پارلیمنٹ کا اجلاس جاری ہے ایم ایم اے اپنے استعفے دے دے

ان کا کہنا تھا کہ صدر پرویز مشرف نے پارلیمنٹ سے خطاب نہ کرنے کا فیصلہ کیا ہے

انہوں نے صوفی ازم کے فروغ کے سلسلے میں منعقدہ تقریب میں کہا کہ اگر صدر پارلیمنٹ سے خطاب کرتے ہیں تو اس پارلیمنٹ کی حالت کی وجہ سے بیرون ممالک پاکستان کا امیج خراب ہوگا

ادھر متحدہ مجلس عمل کے رہنما اور قائد حزب اختلاف مولانا فضل الرحمان نے شیر افگن کے اسمبلیوں کو برخاست کرنے پر شدید ردعمل ظاہر کرتے ہوئے کہا ہے کہ شیر افگن کون ہوتے ہیں یہ کہنے والے کہ اسمبلیوں کو برخاست کردیا جائیگا

انہوں نے کہا کہ متحدہ مجلس عمل اچھی طرح جانتی ہے کہ اسے کب استعفے دینے ہیں اور کیا کرنا ہے

فضل الرحمان کا کہنا تھا کہ وفاق کے قانون میں درج ہے کہ اگر کوئی صوبائی حکومت کسی قانون کو نافذ کرنا نہ چاہے تو وہ ایسا کر سکتی ہے

شیر افگن نے پپلز پارٹی کے ساتھ حکومت کی انتخابات سے پہلے کسی ڈیل سے بھی انکار کیا ہے

انہوں نے کہا انتخابات سے قبل پپلز پارٹی سے کوئی ڈیل نہیں ہوگی

ادھر مسلم لیگ ق کے صدر چوہدری شجاعت حسین نے بھی اپنے ایک بیان میں کہا ہے کہ انتخابات سے قبل پپلز پارٹی کے ساتھ کوئی اتحاد نہیں ہو سکتا

ان کا کہنا تھا کہ انتخابات کے بعد پپلز پارٹی کے ساتھ بات چیت ہو سکتی ہے