کم وبیش چالیس دنوں میں امریکی فوج کی طرف سے پاکستانی علاقے میں بمباری کا یہ تیسرا جبکہ دو ہفتوں میں یہ دوسرا بڑا واقع ہے جس میں متعدد ہلاکتیں ہوئی ہیں

گذشتہ ہفتے امریکی طیاروں کی بمباری سے کم از کم پانچ پاکستانی ہلاک اور کئی زخمی ہوگئے تھے جبکہ پانچ افراد کو امریکی فوجی پاکستانی علاقے سے اغوا کر کے افغانستان لے گئے تھے جن کی تاحال کوئی خبر نہیں ہے کہ انہیں کہاں رکھا گیا ہے

باجوڑ ایجنسی کے علاقے میں جمعہ اور ہفتے کی رات کی گئی بمباری میں سے چند گھنٹے قبل پاکستان نے امریکہ سے گذشتہ ہفتے ہلاک کیئے جانے والے پاکستانیوں کی ہلاکت پر احتجاج کیا تھا

امریکی حکام کا کہنا ہے کہ حملہ اس مقام پر کیا گیا ہے جہاں القائدہ کے نمبر دو ایمن الزواھری چھپے ہوئے تھے

امریکی فوج کا کہنا ہے کہ تازہ ترین حملے میں اسامہ بن لادن کے دست راست اور القائدہ کے نمبر دو ایمن الزواھری کو ہلاک کر دیا گیا ہے تاہم پاکستانی فوج نے اس کی تصدیق نہیں کی

واضع رہے پاکستانی صدر ، وزیر اعظم ، وزیر داخلہ اور وزیر اطلاعات اس بات کی پرزور تردید کرتے ہیں کہ امریکی فوجیوں نے کبھی پاکستانی علاقے پر بمباری کی ہے یا کسی پاکستانی کو ہلاک کیا ہے تاہم ایک مہینے کے دوران امریکی فوجیوں کے پاکستانی علاقے میں حملے سے تیس سے زائد افراد ہلاک ہوچکے ہیں

صفحہ پرنٹ کریں

صفحہ اول