وزیر اطلاعات کا کہنا تھا کہ ہمارے اور متحدہ مجلس عمل کے درمیان نہ کبھی اختلافات پیدا ہوئے ہیں اور نہ پیداہوں گے

پشاور کے مقامی فائیو سٹار ہوٹل میں پریس کانفرنس کے دوران شیخ رشید احمد نے کہا کہ قائد حزب اختلاف مولانا فضل الرحمان سمندر کا چھٹا بحری بیڑہ ہے،ان کو ہمیشہ بہترین اور سنجیدہ سیاستدان پایا گیا ہے

وزیر طلاعات کے مطابق مولانا  فضل الرحمان کو جب بولنے کی ضرورت ہو تو وہ بول لیتے ہیں ،جب خاموشی اختیار کرنے کی ضرورت ہو تو وہ خاموشی اختیار کر لیتے ہیں

وفاقی وزیر اطلاعات و نشریات نے کہا کہ جب خلا میں جانے کی ضرورت ہو تو مولانا فضل الرحمان خلا میں چلے جاتے ہیں ،جب زمین پر اترنے کی ضرورت پیش آتی ہے تو وہ زمین پر اتر جاتے ہیں

وزیر اعلی سرحد محمد اکرم خان درانی کی تعریف کرتے ہوئے شیخ رشید احمد نے کہا کہ وزیر اعلی سرحد انتہائی سنجیدہ اور زیرک سیاستدان ہے۔یہی وجہ کہ ہمیشہ صوبہ سرحد کے حکومت کے وفاقی حکومت سے تعلقات اچھے رہے ہے۔انہوں نے کہا کہ مولانا فضل الرحمان کے نیت پر ہمیں ذرہ برابر بھی شک نہیں ۔وہ مخلص انسان ہے۔

صفحہ پرنٹ کریں

صفحہ اول