ہنیہ کے مطابق ان خطوط میں انہیں کہا گیا تھا کہ اسرائیل غزہ کی پٹی کے بڑے حصے پر دوبارہ قبضے کی منصوبہ بندی کررہا ہے

فلسطینی وزیر اعظم کے مطابق انہیں بتایا گیا تھا کہ فلسطین میں جمہوری نظام کے تجربے کو ناکام کرنے اور حماس کی قیادت کو قتل کرنے کی سازش کی جا رہی ہے

فلسطین کے مرکز اطلاعات کے مطابق اسماعیل ہنیہ نے واضح کیا کہ امریکی اشارے پر فلسطینی اور لبنانی عوام پر مسلط کی جانے والی جنگ کا اصل مقصد علاقے میں افراتفری و انتشار پھیلانا ہے تاکہ اسرائیل علاقے کا تھانیدار رہے

انہوں نے کہا کہ جنگ کا ہدف اولمرت کے مسئلہ فلسطین کا خاتمہ اور فلسطینی سیاسی نظام کو اسرائیلی قیادت کی منشاء کے تحت چلانا ہے

ادھر امریکہ ذرائع ابلاغ کے مطابق اسرائیل لبنان پر حملوں کا پروگرام گذشتہ سال ہی بنا چکا تھا

زرائع ابلاغ کے مطابق اسرائیل کو لبنان پر حملے کرنے کا بہترین موقع اس ملا جب دو ہفتے قبل حزب اللہ نے اسرائیل کے دو فوجیوں کو سرحدی چوکی سے اغوا کرلیا اور اسرائیل نے بنا، کسی مطالبے یا بات چیت کے لبنان پر شدید حملے کر دیئے

واضع رہے لبنان پر اسرائیلی حملوں میں اب تک تین سو اسی افراد کی ہلاکت کی تصدیق کی جا چکی ہے تاہم امدادی اداروں کا کہنا ہے کہ ہلاک ہونے والوں کی تعداد زیادہ ہے

امدادی اداروں کا کہنا ہے کہ بیروت کی بڑی بڑی عمارتوں کے نیچے بھی لاشیں دیکھی گئی ہیں

صفحہ پرنٹ کریں

صفحہ اول