ہلاک اور کئی زخمی ہوگئے

کار بم دھماکے بغداد کے مصروف علاقے میں کیئے گئے جس سے درجنوں افراد موقع پر ہلاک ہوگئے جبکہ کئی افراد نے ہسپتال میں دم توڑ دیا

دھماکوں میں درجنوں افراد زخمی بھی ہوئے

ادھربغداد کے شمال میں ایک قافلے پر نامعلوم افراد نے فائرنگ کر دی جس سے پانچ افراد ہلاک ہوگئے

نامعلوم افراد کی فائرنگ سے دیگر کئی علاقوں میں وزارت داخلہ کے ایک اعلی افسر سمیت کئی افراد ہلاک ہوگئے جبکہ ہلاک ہونے والوں میں ایک پولیس اہلکار بھی شامل ہے

بغداد کے مختلف علاقوں میں شیعہ اور سنیوں کے درمیان شدید جھڑپین بھی وقفہ وقفہ سے جاری ہیں

گذشتہ روز سو کے قریب افراد کی لاشیں ملی تھیں جنہیں سروں میں گولیاں مار کر ہلاک کردیا گیا تھا

گذشتہ کئی ماہ سے شیعہ اور سنی علاقوں میں ہلاکتیں ہوئی ہیں جن کے بارے میں کہا جاتا ہے کہ یہ دونوں مسلک کے آپس کے ناخوشگوار تعلقات کی وجہ سے ہوئیں

تاہم امریکی انتظامیہ کا کہنا ہے کہ عراق میں خانہ جنگی کے آثار نہیں ہیں

تاہم مختلف ممالک کے مبصرین کا کہنا ہے کہ عراق میں چھوٹے پیمانے پر خانہ جنگی جاری ہے اور خطرہ ہے کہ یہ مزید نہ بڑھ جائے

گذشتہ روز عراقی صدر اور صدر بش کے درمیان اردن کے شہر امان میں ملاقات ہوئی تھی جس میں عراق کو کسی طور تقسیم نہ کرنے کا کہا گیا ہے

عراق میں غیر جانبدارانہ رپورٹ کے مطابق صدر بش کے عراق پر حملے کے بعد اب تک چھ لاکھ عراقی ہلاک ہوچکے ہیں

جبکہ صدر بش نے اس رپورٹ کو مسترد کردیا ہے

صفحہ پرنٹ کریں

صفحہ اول