وزیر داخلہ آفی دیختر نے کہا کہ ایران ان کے ملک کے خلاف سازشوں میں مصروف ہے

انہوں نے کہا کہ  ان سازشوں میں ایک سازش منشیات کی فراہمی ہے

انہوں نے کہا کہ ایران اسرائیل کو منشیات کے سمندر میں دھکیلنا چاہتا ہے- واضح رہے کہ اسرائیلی وزیر داخلہ آج کل امریکہ کے دورے پر ہیں

واشنگٹن میں اعلی حکام کے ساتھ ملاقاتوں کے علاوہ امریکی وزیر برائے منشیات کی روک تھام کارن ٹینڈی سے مذاکرات کیے اور دونوں ممالک نے منشیات کی روک تھام کے مشترکہ لائحہ عمل طے کرنے کی ضرورت پر زور دیا

مرکز اطلاعات فلسطین  کے مطابق آفی دیختر نے کہا کہ منشیات کی فراہمی بھی دہشت گردی کی ایک قسم ہے اور اس کا سدباب ہر ممکن طریقے سے کیا جائے گا

گذشتہ روز ایران کے صدر احمدی نژاد نے یوم القدس کے موقع پر کہا تھا کہ اسرائیل کو جلد ہی مٹ جائیگا

احمدی نژاد کا کہنا تھا کہ جن ممالک نے اسرائیل کو تسلیم کیا ہے مسلمان عوام ان سے خود نمٹ لیں گے

اسرائیل ایران پر الزام عائد کرتا ہے کہ ایران لبنان میں حزب اللہ کو سب سے زیادہ مالی اور اسلحے کی امداد دینے والا ملک ہے

صفحہ پرنٹ کریں

صفحہ اول