بھارتی وزیر اعظم کا دورہ فرانس اس بار خاصی اہمیت کا حامل ہے

منموہن سنگھ فرانس کے دورے کے بعد وہاں سے امریکہ روانہ ہو جائینگے جہاں وہ اقوام متحدہ کے اجلاس میں شرکت کرینگے

بھارتی وزیر اعظم نے دورہ فرانس پر جاتے ہوئے میڈیا سے اپنی بات چیت میں کہا ہے کہ میں امریکہ میں پاکستان کے صدر پرویز مشرف کے ساتھ اپنی ملاقات کا شدت سے انتطار کر رہا ہوں

ان کا کہنا تھا کہ پاکستان اور بھارت کے تعلقات میں بہتری آئی ہے اور وہ پاکستانی صدر کے بیانات اور ان پر کیئے جانے والے عمل پر یقین رکھتے ہیں

بھارتی وزیر اعظم کا کہنا تھا کہ اگر پاکستان میں موجود دہشت گردوں کا نیٹ ورک تباہ کر دیا جائے اور کشمیر میں شدت پسندی  کا خاتمہ ہو جائے تو بھارت پاکستان کے ساتھ مزید بہتر طریقے سے بات کر سکتا ہے

منموہن سنگھ کا کہنا تھا کہ وہ صدر مشرف کے اقدام پر یقین رکھتے ہیں ۔ اسی کے ساتھ ان کا کہنا تھا دیکھنا یہ ہوگا کہ یہ اقدام کس قدر موثر ہیں

بھارتی وزیر اعظم نے مزید کہا کہ بھارت کسی طور دوبارہ سرحدوں کی حد بندی نہیں کریگا

انہوں نے کہا کہ سرحدوں کی حد بندی کی بجائے سرحدوں کھولا جا سکتا ہے

ادھر اقوام متحدہ کی جنرل اسمبلی سے خطاب کی تقریب میں شریک ہونے کےلیئے امریکہ پہنچنے والے پاکستانی صدر پرویز مشرف بھی بھارتی وزیر اعظم کا شدت سے انتظار کر رہے ہیں

پاکستانی صدر کا کہنا تھا کہ وہ منموہن سندگ سے مسئلہ کشمیر پر بات کرینگے

دونوں ممالک کی عوام اپنے سربراہوں کی ملاقات کے نتائج کے انتطار میں ہے 

دوست کو ارسال کریں

صفحہ اول

صفحہ اول