وزیر اعلی جھار کھنڈ ارجن منڈا کی بے دخلی کی کوششیں تیز ہوگئیں

اپنا استعفیٰ ارسال کرایا ہے ان میں مدھوکوڑا، اینوس ایکا، ہری نارائن رائے اور کملیش کمار شامل ہیں

خبروں کے مطابق چاروں وزراء کے استعفیٰ کے بعد جھارکھنڈ میں اٹھنے والا سیاسی طوفان کسی بڑی تباہی کا پیش خیمہ ثابت ہوسکتا ہے اور وزیراعلیٰ ارجن منڈا کی حکومت زوال سے دوچار ہوسکتی ہے

ان چاروں وزراء کے استعفیٰ کے ساتھ ہی ظاہری نقطہ نگاہ سے ہی ارجن منڈا حکومت اقلیت میں آچکی ہے

حالانکہ اقلیت وا کثر یت کا فیصلہ تو ایوان میںہی ممکن ہے لیکن باوثوق ذرائع کے مطابق 81 رکنی اسمبلی کے 42اراکین کی حمایت سے اقتدار پردوبارہ جلوہ بارہونے والے وزیراعلیٰ ارجن منڈا کے ساتھ صرف 38اراکین رہ گئے ہیں

منڈا کابینہ کے ان چاروں رفقاء کا ساتھ چھوڑنا خلاف توقع نہیںہے کیونکہ تبدیل شدہ سیاسی حالات کے تحت کل ہی اس بات کی قیاس آرائی کی جارہی تھی کہ یہ چاروں برگشتہ ورزاء کسی بھی وقت اپنے استعفیٰ نامے گورنرکو سونپ دیں گے

دریں اثناء ایک متبادل حکومت کی تشکیل کےلئے سرگرم سیاسی رابطے کا عمل شروع ہوچکا ہے اور توڑجوڑ کی سیاست عروج پر جاپہنچی ہے