ے فریقین کے دلائل سننے کے بعد حکومت کی جانب سے تیسری بار پابندی عائد کرنے کے فیصلے کو درست قرار دیتے ہوئے کہا کہ اس پابندی کے نفاذ کا اطلاق اس سال کے فروری سے ہی ہوگا

خیال رہے کہ مرکزی حکومت نے اس سال کے فروری ماہ میں سیمی پر تیسری بار پابندی عائد کی تھی ۔اول اول سیمی پر پابندی 27 ستمبر 2001 میں عائد کی گئی تھی

عدالت میں تیسری بار پابندی عائد کرنے کے حکومتی فیصلے کو جائز ٹھہراتے ہوئے مرکز نے یہ دلیل دی کہ سیمی کی غیر قانی سرگرمیاں ملک کی داخلی سلامتی، فرقہ وارانہ ہم آہنگی اور امن و آشتی کے لئے مضررساں ہیں چنانچہ اس تنظیم کو اپنی سرگرمیاں جاری رکھنے کی اجازت نہیں دی جاسکتی

مرکز نے عدالت میں یہ بھی دعوی کیا کہ سیمی بیشتر تخریب پسندی کے واقعات میں ملوث ہے جس سے ملک کی داخلی سلامتی کو نقصان پہنچ رہا ہے لہذا اس تنظیم پر تیسری بار پابندی عائد کی گئی ہے

خیال رہے کہ سیمی کے ارکان خود کو کسی بھی دہشت پسندانہ سرگرمیوں میں ملوث قرار دینے سے گریزاں رہے ہیں

حال کے ممبئی بم دھماکوں کے بعد بطور خاص بھارتی ذرائع ابلاغ سیمی کو نشانہ بناتی رہی ہے ،جبکہ حکام نے بھی اب تک سیکڑوں مسلمانوں کو سیمی سے تعلق کے الزام میں پس زنداں کیا ہوا ہے

یہ بات دیگر ہے کہ ہنوز تفتیشی اہلکاروں کو ممبئی کے سلسلے وار بم دھماکوں کے ماسٹر مائنڈ کا پتا لگانے میں بھی کامیابی نہیں مل سکی ہے ۔

صفحہ پرنٹ کریں

صفحہ اول