راجناتھ سنگھ نے کہا کہ پاکستان نے اپنی سرزمین اور بنگلہ دیش میں دہشت گردی کے کیمپ بنا رکھے ہیں جہاں سے تربیت پا کر لوگ بھارت میں کارروائیاں کرتے ہیں

راجناتھ سنگھ نے کہا کہ بھارت کو عالمی برادری کو اعتماد میں لے یہ کیمپ ختم کرنے کے لیے کارروائی کرنی چاہیے

راجناتھ سے جب پوچھا گیا کہ کیا وہ اسرائیل کی لبنان میں جاری کارروائی کی طرح کارروائی کا مطالبہ کر رہے ہیں تو ان کا جواب تھا میں نے جوکہنا تھا کہہ دیا آپ جو چاہیں اس کا مطلب نکال لیں-راجناتھ سنگھ نے کہا کہ وہ پاکستان میں کیمپوں کو ختم کرنے کے لیے کارروائی کا مطالبہ بہت سوچ بچار کے بعد کر رہے ہیں

سارے حالات کو سامنے رکھتے ہوئے میرا حکومت سے مطالبہ ہے کہ آئی ایس آئی کی سرپرستی میں چلنے والے دہشت گردی کے کیمپوں کو ختم کرنے کے لیے کارروائی کی جائے۔جب ان سے پو چھا گیا کہ بی جے پی کی حکومت کے دوران ایسا کیوں نہیں کیا گیا تو انہوں نے کہا ہماری حکومت نے کیا کیا اور کیا نہیں کیا اس پر سوچ کا وقت نہیں ہے

اس وقت حالات اور تھے اور اب حالات اور ہیں۔انہوں نے کہاپاکستان کے حکمران جنرل مشرف اٹل بہاری واجپائی کو یقین دہانی کرائی تھی کہ وہ سرحد پار سے دہشت گردی کو روکیں گے لیکن انہوں نے اپنا وعدہ پورا نہیں کیا

راجناتھ سنگھ نے کہا کہ پاکستان اور بھارت میں امن قائم کرنے کا عمل بے معنی ہو چکا ہے اور ایسے ملک کے ساتھ امن قائم کرنے کی کوششیں کرنے کا کوئی فاہدہ نہیں ہے جو دہشت گردوں کو تربیت دے کر بھارت میں کارروائیوں کے لیے بھیجتا ہے

صفحہ پرنٹ کریں

صفحہ اول