حالانکہ کسانوں کے مالی بوجھ کو کم کرنے کیلئے وزیر اعظم ڈاکٹر منموہن سنگھ کی جانب سے فراخدلانہ اقدام اٹھائے جاچکے ہیں

اس ذیل میں انہوں نے حالیہ دورہ مہاراشٹرا کے درمیان قرضوں کے سود کی بھی معافی کا اعلان کیا تھا تاہم اس کے باوجود وردبھ کے کسانوں میں خود کشی کے رجحان میں کوئی کمی محسوس نہیں کی جاسکی ہے

آج ایک غیر سرکاری تنظیم نے دعوی کیا ہے کہ ودربھ میں مالی بوجھ کے شکار مزید 11 کسانوں نے خودکشی کر لی ہے

حالانکہ ابھی تک اس خبر کی اہلکاروں کی سطح سے توثیق نہیں ہوسکی ہے

تاہم غیر سرکاری تنظیم ودربھ جن آندولن سمیتی کا کہنا ہے کہ گزشتہ 2 دنوں کے درمیان 11 مزید کسانوں کی خودکشی کا معاملہ سامنے آیا ہے

خیال رہے کہ بھارت میں معیشت کی انقلابی تبدیلی کے بلند و بانگ دعووں کے درمیان ہر سال ہزاروں کسان خود کشی کے ذریعہ اپنی جانکاہ زندگی کو منطقی انجام تک پہنچاتے ہیں

اس سال مہاراشٹرا میں خودکشی کا رجحان خاصا بڑھا ہے اور سمجھا جاتا ہے کہ حکومت ہند کی کسان مخالف پالیسی اس کے لئے بطور خاص ذمہ دار ہے

صفحہ پرنٹ کریں

صفحہ اول