حادثے میں اسی افراد ہلاک ہوئے

شکار ہونے والی بس سے اب تک مجموعی طورپر 56لاشیں  نکالی گئی ہیں

تالاب میں غوطہ خوروں کی مدد سے لاشوں کی تلاش کا کام ابھی جاری ہے۔ مرنے والوں کو شناخت کرنے کی کوشش کی جارہی ہے

ریاستی  سرکار نے حادثہ میں  مارے جانے والوں کے لواحقین کو75۔75ہزار روپے کی امداد دےنے کا اعلان کیا ہے

ستنا ضلع کے ہنوتا سے ریوا جارہی یہ بس آج صبح10بجے کے قریب ڈرائیورکے قابو سے باہر ہوکر تالاب میں  گر گئی تھی۔ بس میں اینٹ  بھٹہ مزدور سوار تھے جو دیوالی منانے اپنے گھر جارہے تھے

وزیراعلیٰ شیو راج سنگھ چوہان نے حادثہ پر گہرے صدمہ کا اظہار کرتے ہوئے ہلاک شدگان کے لواحقین کی ہر ممکن مدد کا وعدہ کیا ہے۔ایڈیشنل پولیس  سپرنٹنڈنٹ راکیش جین نے بتایاکہ تالاب میں  ڈوبی اس بس سے 56 لاشیں نکال لی گئی ہیں  اور غوطہ خوروں اور کرین  کی مدد سے مزید لاشوں اور بس کو نکالنے کی کوشش کی جارہی ہے

انہوں نے بتایا کہ ستنا ضلع کے ہنوتا سے ریوا آنے والی بس میں  عورتوں اور بچوں سمیت تقریباََ80مسافر سوار تھے، جن میں  سے بیشتر اینٹ کے بھٹہ پر کام کرنے والے مزدور تھے

یہ بس ڈروائیور کے قابو سے نکلنے بعد35فٹ گہری کھائی میں  گرکر پانی میں ڈوب گئی تھی

سینٹر افسران جائے حادثہ پر پہنچ گئے ہیں اور بچاو اور امداد کا کام جاری ہے